捲髮

說起我的捲髮，可是說來話長一殼眼淚。我呢，好貪心，既然電髮都是一個價錢，我每次都會電得爆一爆，連髮根、髮尾，還有劉海，統統不放過。當然每次當髮型師聽到我這樣的要求時，都會再三提醒我，要考慮清楚喎！咁電好孿架喎！出嚟個效果會好爆架喎！

其實呢，真的不用替我擔心，我已經有多年爆炸頭經驗。只是好多時，不是我不能接受，而是髮型師都好喜歡對我手下留神，往往出來的效果都不夠捲曲。當然他們總是說啱架喇夠架喇，唉。

頭幾天還可以，但一過十天八天便開始散了，變鬆了，失去爆炸的曲線美。有些人電髮，喜歡微曲大波浪，我不是不喜歡，但太平凡啦，通街都是。所以我會想特別一點，但看來是我的想法太離奇怪誕了。

今次的曲髮是三月頭電的，一電完便知一定出事，一定不出一星期便打回原形。果然，北京之旅前約過晴天小姐吃飯，說起我的捲髮，她說一點也看不出前身為爆炸頭。我心深不憤，我強調了好幾次，我係連根都電埋架！連前蔭都係架！不過睇唔出之麻！

現在我的髮型已經跟眾多辦公室女郎一樣了，介乎電孿咗又驚太孿之間，好懨悶乏味。