2008年4月16日星期三

Star Light 容祖兒演唱會08 part2



訂了昨晚容祖兒演唱會的票,是最後一場的,本以為會很精彩。

昨晚呢,本來我是打算五點半就走,我說:「嗱,又要去吓廁所啦,又要執吓嘢啦,又要熄電腦啦,見倒人又要嗲兩句啦,咁六點先出得門啦!落到樓下,又要行,又要等的士,又要上落,又兜吓路,咁都六點半啦!咁落左的士,又要搵嘢食,又要行吓睇吓嘢,見到有嘢食又要睇吓餐牌,唔啱食又要轉地方,咁搵得嚟,都六點九啦!搵倒嘢食,又要排隊,又要等佢執枱,又要諗食乜,又要點,叫得嚟,都七點啦!又要等,又要煮,等得嚟,都七點三啦!咁食得嚟,都七點九啦!食完又要埋單,又要去吓廁所,又要行去紅館,行得嚟,都八點啦!咁去到紅館,又要排隊入場,又要行樓梯,上得山頂嚟,都八點三啦!咁就開場喇,時間啱啱好喎!」

OKOK,我的planning 真的很無械可擊,不過呢,到最後賴死唔走的是我。

最最最後底線,六點半,唯有併死無大害地豁出去,「走喇!最多炒我吖笨。」

到達會場,帶頭的同事一支箭地直衝上山頂,我和尾隨的同事當然死跟啦!正當安坐在位置時,忽然有人拿著票跟我們理論:「唔該,妳哋坐錯左喎!」

吓?我的反應頓時呆著。唔係吓話,大姐,呢度係山頂喎!要我行返出去?!

我瞪著帶頭的同事,而她堅持沒坐錯,而且大安旨意黏著座位,事情擾攘了一輪,後排的觀眾終於按捺不住,問:「你哋第幾排先?」我拿出票給她看看,她說:「呢度係五十六排,你哋係五十七排喎!」

!!!!!!!!!!!!!!!!!

頂,「火羅」爆。

這個演唱會,不算好,同行的同事呵欠連連,好慘。聽容祖兒唱歌,好登她辛苦,因為她連說話的聲音都沙啞得要命。

沒有留言: