2008年4月7日星期一

經典情侶對話

1)
佢比條鑰匙我, 叫我響佢返工o個時, 自己在佢度休息, 因為佢唔想我等佢放工等太耐.

2)
我問佢:"唔怕我偷你d 野咩?"
"咁你順便偷埋我呢度..." 佢執起我既手按係佢心口.
"o車! 有咩用呀?"
"連最重要既野都比你偷左啦!"

3)
佢問我:"你有冇唸過以後做咩?"
"記者, 教師, 出版社... 咁啦!"
"仲有呢?"
"煮飯婆囉!"
"仲有呢?"
"仲有咩呀?"
"最重要既你都冇講!"
"乜呀?"
"潘太囉!! 唔係架?!"

4)
我問:"你真係會娶我?"
佢用力點點頭, 之後拖住我隻手.
我話:"我好中意拖住你隻手, 因為執子之手..."
佢即時話:"與子偕老"

5)
佢開玩笑問我:"你真係會唔要我架?"
我隨口應佢:"依家考慮緊"
佢即時好緊張攬住我, 話:"我唔會比你走!"

6)
我有鼻敏感, 所以一病鼻水特別多, 好辛苦.
佢話:"以後唔洗怕啦! 有我係度"
"你又唔係專科, 旨意你醫呀?!"
"喂, 咁你病wo! 我點都一定要醫好你架!"

7)
有一次, 我突然同佢講:"你要愛我多d wo!"
"好! 不過不嬲都係我愛你多d 架la! 連中意都係我中意你先!"
"我怕你唔要我呀!"
"你放心wo! 我仲怕過你!"

8)
我家人比較緊張我, 所以有時晚上9 點已經打黎叫我返去.
佢話:"你屋企人都好緊你"
"係呀! 遲d 返都鬧人咁濟"
"嘩! 有冇鬧過你?"
"少啦! 不過都有時會"
"咁你叫佢地打比我啦!"

9)
我好中意送禮物比佢, 佢話:"你唔好再送野比我!!"
我冇出聲, 我以為佢唔中意我既禮物.
佢即時又話:"以後我送比你呀!!"

10)
大大前日(星期2)佢話:"唉... 有排先有得見"
我話:"乜唔係星期4 咩?"
佢話:"咁都幾十個鐘啦!!"

11)
佢話:"你知唔知, 一日有24 小時, 1 小時有60 分鐘, 1 分鐘有60 秒"
我話:"咁點丫? 60 秒都想見我呀? 我又唔信呀!"
佢話:"錯! 60 秒, 有30 秒想見你, 有30秒想攬住你"

12)
我問佢:"你凍唔凍呀?"
佢話:"本來有d, 依家就唔"
我話:"乜你咁老套架! 你唔係想話因為我下話?"
佢話:"見到你就興合合"

13)
佢話:"我唔可以成日請假, 唔係我比人炒左你就慘架喇!"
我話:"o下? 你比人炒咋wo! 我有乜好慘"
佢話:"我比人炒左, 咁點養你呀?"

14)
佢話:"喂! 你聞唔聞到?"
我話:"聞咩?"
佢話:"我用左你送比我o個隻香水呀!"
我話:"係咩? 唔多覺"
佢話:"你都用左新香水"
我話:"係呀~ 好香可?"
佢話:"唔... 我都係覺得我最香~"

15)
佢話:"乜你咁多人追架?"
我話:"ok 多啦! 好驚呀?"
佢話:"唔驚!"
我話:"係囉! 你都唔愛我"
佢話:"世上我對你最好, 你唔揀我揀邊個! 我先唔驚"

16)
我同佢講:"你知唔知, 我呢半年單身, 悶到我好想喊!"
佢話:"哎呀!! 早知就早d 遇到我啦!!"

17)
佢話:"人有精神就做野都快d"
我話:"做乜咁精神呀?"
佢話:"掛住你呀! 今日可以見你wo!"

18)
我話:"我畢左業同你住好冇?"
佢話:"你爸爸肯咩?"
我話:"咁大個人, 應該ok 既!"
佢話:"唔好呀! 唔好攪到同屋企d 關係差晒!"
我話:"唔係既... 咁我要搬出去, 佢地都冇符"
佢話:"唔係呀! 我係話我同你家人既關係呀! 咪等佢地誤會好似係我教壞你呀!"

19)
我話:"你一定要保重呀!! 你要知道有好多人好掛心你"
佢話:"好多人?只要妳一個就夠"

20)
我話:"你比你email 我"
佢比左
我話:"ok, 得閑send 野比你"
佢話:"virus?"
我話:"你估我會唔會"
佢話:"會, 愛情病毒"

21)
我話:"凍你又唔著多d 衫!"
佢話:"今朝係房唔凍架!"
我話:"咁係房梗係唔凍啦!"
佢話:"平時好凍架!"
我話:"咁做乜突然唔凍丫?"
佢話:"可能因為我放左你織既冷巾係房~"

22)
我話:"你有咩唔中意, 記得要出聲話我知呀!"
佢話:"好, 等我話你知, 我唔中意...你唔中意我"

23)
我爸爸係風水師
佢話:"咁會唔會打我小人架?"
我話:"傻啦! 係都落你桃花咒先啦!"
佢話:"落左啦!"

24)
佢話:"你有鼻敏感呀! 唔好玩公仔"
我話:"咁得意丫ma! 好想攬住佢~"
佢話:"依家有咁大個人你攬啦!"

25)
我話:"你份工黎架wo! 乜你乜都唔知架!"
佢話:"知你咪夠囉!"

26)
上次同佢去萬寧
之後佢話:"個收銀頂帽咁肉酸, 好心佢咪戴啦"
我話:"乜你咁架! 都係公司規定o者! 你估人地想架?"
佢話:"係o者! 不過戴得咁肉酸, 你估你戴咩!"

27)
我問:"你剪左頭髮呀? 靚唔靚仔架?"
佢話:"唔靚架! 不嬲都唔靚"
我話:"咁又係丫! 不嬲都唔靚, 剪唔剪都係唔靚仔架la!"
佢話:"係呀! 你就話o者"

28)
有一次, 講開未拍拖o個時
我話:"我點知你點唸wo! 唔通我話:"不如我地一齊啦!"咁呀?!"
佢話:"嘩... 唔係下話..."
我話:"拿! 係咪呢, 你都覺得我唔知醜啦! 你都會拒絕啦!"
佢話:"唔係下話... 咁都比你估到我當時唸乜..."

29)
我問:"你怕唔怕我會離開你?"
佢話:"唔怕"
我話:"係囉! 女死女還在, 怕乜"
佢話:"唔係. 就算你走左, 我都有辦法吸引你返黎~"

From A

22 則留言:

Morca 說...

好...
肉...
麻...

L L 說...

嘩,甜死!真係濃情蜜意!

唉,裏面很多話,我成世人都未講過,失敗!

Bungy-Zoe 說...

路過
我諗,如果有男仔可以咁講
0個個男仔一定好愛你
記得美好的事...好full 的感覺...

揚眉女子 說...

Morca,

係架! 不過我buy 喎!! 我諗係女都會死係佢手上.

laulong,

咁你真係要學下佢, 堅過葵花寶典.

zoe,

哈! 仲可以一物兩用, 當情話又得, 當笑話都得.

匿名 說...

哇,咁都唔叫甜言蜜語…
係女仔都會lum死

小貝 說...

多謝多謝泥小貝屋呀!
第一次留言!!
多多指教~

不過 :p
哩d真係lum死
我男朋友都吾識講worrrrrrrrrrrrrrrrrrrr

揚眉女子 說...

唉, 咁我咪乃左野囉!

小貝 說...

heeee*好開心咁wor

你仲sweet過我 :p:p:p

揚眉女子 說...

小貝,

其實都好多年前架喇! 依家睇返得啖笑囉!

其實平平淡淡仲好架, 細水長流.

小貝 說...

細水長流係岩架 =)
咁樣仲開心呀

heee*幸福d...一齊幸福...

Bungy-Zoe 說...

好難唔乃野囉....
如果係第一個男友咁講的話....
呢個post 對男仔黎講係秘芨...
對女仔黎講可能係疫苗 @_@!

揚眉女子 說...

小貝,

我呢, 就冇行囉, 你就要努力d 喇!

zoe,

哈哈哈! 咁我咪這福世人?
by the way, 口甜舌滑呢家野, 係天生既. 遇著高手, 就要睇下邊個道行高d 囉! 而我呢, 一定係行先死先.

小貝 說...

點會無行呀??

唔會o既唔會o既 =)

揚眉女子 說...

冇喇, 依家毛都冇條, 食自己啦!

Bungy-Zoe 說...

揚眉
呢d 野「boom」一聲就可能會有啦!話唔埋的,可能下分鐘已經有~

成日要催眠自己,「我有架我有架」就會有
諗下之嘛,又唔駛錢~~

另:小貝,我諗佢講左德文...你可能唔知咋?

小貝 說...

點會!!!!!!!
女子咁有材華一定好多beeeeeeee

L L 說...

吓,練葵花寶典,堅都變輭,輭都變無,咪搞!

........


諗落又係,口甜舌滑,多數蠱惑。十句甜言蜜語,有時抵不上一個情深的眼神,一句簡單的問候!

小貝 說...

ZOE :

heeeeeeeeee*你好搞笑 :p:p
freut mich!!(nice to meet u)

佢..德文都唔識講sweet野 :p

(借你個位一用 :p)

揚眉女子 說...

Zoe,

我好奄尖架, 唔筍都唔吼. 所以有時覺得冇好過有囉.

小貝,

唉, 烏蠅就多.

laulong,

咁你落多兩句咀頭, 雙劍合壁, 咪天下無敵囉!

小貝 說...

嘻嘻原來有人要求高

唔怕小貝最叻拍烏蠅!!
啪! 拿咁又一隻啦~~~~~~~~~~~~

L L 說...

我腹無劍,口唔蜜,淨係識插科打諢,攪爛 gag,傻仔嚟咋我!

揚眉女子 說...

小貝,

唔該晒喎!! 不過可唔可以幫我執埋條屍呢???

laulong,

嘩嘩嘩, 你呢招以退為進, 仲扮傻?!