不甚正斗的BBQ

在旺角，已經吃到沒甚新意了，於是轉戰橫街窄行。在豉油街看到家小店正斗BBQ，我承認我是被店名所吸引，加上牆上貼滿雜誌的推介，再加上大大隻字寫明＄1 蠔，於是我便跟大眾小市民一樣，心大心細地預咗俾人呃一次。

＄1 蠔是招牌菜式，當然不錯，也是全餐最滿意的了。

這烏冬，不用我說都知有咩問題了吧。看顏色，便知廚房有多敷衍我。

這是墨魚咀串，唔，OK 咁囉，但係盛惠十八蚊喎，即刻唔OK。

燒多春魚，我的最愛。我覺得我拍照算有一手囉，實物的尺寸只比手指尾長少少。

同上。拍照前我做了手腳，把碟中的幾條鬚堆起，形成千軍萬馬之勢。

最後這個是後加的，因為我看到每桌都有喊這個菠蘿燒。誰知一入口便乃嘢了，酸到呢。

埋單＄99，真係賺粒糖蝕間廠囉。