於是，來到深水埗就一定要吃碗大家食招牌茄牛手攪麵，但其實我是吃不出跟別的大家食有甚麼分別啦！沒記錯的話，是＄12 一碗。同事說以前是＄10 的，現在漲價了。咳咳，都應該好多年前啦吓話？
反而我喜歡大家食的阿姐呀！個個都很健談，同事跟其中一位阿姐聊天，問起天花板的超薄電視，阿姐即席拿出遙控開電視，一路選台一路誇讚這部電視好貴架／好多功能架／好清架／好嘢嚟架......！ 不知情者，還以為她副業當電視推銷員（雖然都可能係啦！）。
還有，不知道大家有沒有留意到，全線大家食的職員清一式都是阿姐，還要清一式穿軍服，連從廚房偶然走出店面的都是。不知道我有沒有攪錯？其實我很想笑啦，不過同事們都沒甚反應，直至吃畢走出店外，我跟他們說，喂，乜你哋唔覺得迷彩阿姐好爆嗎？連帽都是迷彩喎！誰知我一說，其中一位便立即和應，係呀係呀，其實我想笑咗好耐架喇！第二、三位也迫不及待，我又係喎！乜你哋都留意到呀？......
最後一項注意事項，就是一定要認清有老細的軍裝頭標誌先係正店。事關，大家食都有假分店呀！是不是爆晒咀！
又，大家食的網址，仲要係英文架（雖然好多頁都是吉的）！
沒有留言:
發佈留言