好味就係「維記」

工作關係，前陣子過了深水埗幾次。久聞深水埗是尋美食的寶地，今次特意去了幾家出名的食店品嚐一下。

先是「維記」，這家麵店最聞名的有膶牛麵、咖央多和曾特首的相片（第三項是我加的）。還未排隊，門口便看到店主好硬銷地把曾特首（那時還未當特首）的吃麵大頭相黏在玻璃前，還要一貼幾張放大成不同碼數。

等了十五分鐘，排隊時不停問同事，真的有那麼好吃嗎？不喊膶還有其他嗎？老實說，我蠻對食內臟反感，但同行者力推，好歹也要捧一下場。他說，無架，全部都係膶嚟架！

看看招牌，不是吖！有牛肉腸仔餐肉咁架喎，不是全膶吖！同事更正，個湯底是膶熬成的。說畢，搭檯的食客們都瞄了瞄我，活像我是大鄉里。

上桌，我的膶牛麵。想了幾秒，既然有今次無下次，就豁出去。好味，牛肉又滑又脆膶無渣湯底又濃，但勁口喝，好明顯又一味精湯麵囉。


吃完麵，看到每桌都有人點咖央，於是我問同事，那個「咖央」是不是馬來西亞的「咖央」？他說不知道，不如點個來試試啦！又好喎！不過吃完後，我還是不能確定。有沒有朋友仔可以解答？