禮物週

這星期，我決定叫作禮物週。


第一份收到的禮物，是Selina 小姐的小兔兔。我收到時，下屬還走來八卦，問我為甚麼有禮物收，我說，因為我可愛囉！好似兔仔咁。好嘔心。於是，他也頓時語塞，無言走開了。
看到牠撓腳嗎？我特意擺的鋪士。我會把牠放在桌邊，陪我寫博。


第二份，是SUET 小姐遠從澳洲捎來的BEAMS 小錢包，好美。
下屬從接待處拿著大大個的郵包回來，看我拆開後，大驚：「又有？！仲要係澳洲？！」


第三份，是MINX 小姐從英國帶回來的便條夾。我要在這裡宣傳一下，她是位空姐啊！空姐喎！還不快去看看她的博？保證有料到。
OK，這次，下屬大概已經習以為常，放下便回位置上。不甘心的我，立即撩他說：「我個朋友仔寄嚟架！佢做空姐架！仲要識做晚裝架！係咪好勁呢？佢本來仲想喺英國寄俾我㖭呀！」我還要一副好得戚的樣子。於是，下屬問：「英國寄又點？」「威囉！成間公司得我收過英國寄嚟嘅件喎！」這句是真的，因為我們從來沒有英國的客人。不過呢，這麼造作的答案，卻換來下屬的白眼。

這星期，我好快樂，謝謝妳們。但願妳們認識我，也感到快樂。