幾件小事

＊曾經有股衝動提議交換日誌，即是找個對象，我們各寫一篇，之後放在對方的博內。也想過，要不就我們先商議好題目，在同一主題下創作，就像《向左走、向右走》。後來，更想到送小禮物時附加手寫日記，一天寫一份禮物，讓收方收到時登在博內。
算啦，我累得周身骨痛。

＊好喜歡今季H＆M 的冬裝，我看中了一條黑色蕾絲傘裙，好古董的。上年曾經買了件黑色蕾絲小外套，跟這裙子仿佛天作之合。我拿在手於鏡子前拼呀拼，磨蹭了十多分鐘，還是放下。無辦法啦，一條半截裙要＄399，我唯有向現實低頭。

＊毒牛奶事件後，我並不擔心我會中毒，但很擔心要等多久才可以再喝蒙牛。要知道，我是個奶怪。唉，現在唯有轉喝豆奶，應該無事吧？

＊天氣，好X 熱，熱得我好燥，忍不住爆粗便得罪晒了。那麼熱，某天我忽發奇想，試吓沖凍水涼都好喎！於是，現在我沖涼都沒開煤氣，覺得自己好勁。
諗真啲，其實跟游水時沖身的原理一樣之嘛。

＊做負離子直髮時，老闆循例SELL 我加錢用靚藥水，我說：「吓？你哋次次都咁SELL 我架啦，加咗錢又唔覺得好咗喎，咪又係一樣咁傷。算啦，我用返呢隻得喇。」之後，他便幸幸地走開了，找來另一個理髮師幫我洗頭。

＊AIG 的事件，其實我也是受害者之一，因為我也是它的顧客。友看到我一副淡定有錢剩的樣子，急說：「妳仲唔打去CUT 保單？」現在CUT，只能拿回幾百蚊咋喎！「咁一係妳打去問吓會唔會執粒？」咪傻啦，如果你係聽電話嗰個，你會點答？「咁又係喎！」咪係囉！

＊聽到同事們說甚麼「美食之旅」，就是那些幾百蚊兩日一夜大陸團的那種，我好有興趣，我想去長隆呀！不過，我問：「一定係美食之旅架？唔美食之旅得唔得呀？」下屬說：「唔得喎！因為間旅行社真係叫『美食之旅』。」吖頂，好串。