瘟瘟燉燉的我看麟伯演唱會

昨天得返半條人命之下，堅持要去看「左麟右李」。喂，買咗飛死人都去睇啦，雖然只係一舊水，仲要是最後一行。


這就是最後一行的觀賞效果，無加後期製作。同行者好串地說，依家嚟唔係睇演唱會，係聽演唱會囉。頂吖買到飛我已經覺得自己好勁了，而且一個價錢睇兩個明星，仲想點？


不過呢，我要先申報利益，我不是克勤更不是麟伯的粉絲。我純粹真是貪大件夾抵食，如果睇關心妍都要一百，我真係搵唔到理由不仆倒去買「左麟右李」。


咳咳，之不過我想說，雖然我發聲有點困難，但仍然忍不住講了全場粗口。麟伯真的好hea 囉，唱克勤的歌時，走音又甩咀兼慢半拍，明顯發台瘟。跳舞那部份更慘無人道，成隻肥蟹似的，他一路跳我一路在爆粗，還要強迫同行者盯著他的舞姿，我想我是全場唯一反麟伯的聽眾。步出紅館時，也有害怕過被人點相。

他們的歌，我只懂一半吧，有新有舊。但問心那句，一百蚊，我去加洲紅唱麟伯的歌更划算。