2010年8月8日星期日

儲蓄

一早已經知道自己的缺點,真的有錢楂手,我便會身痕。要我把銀紙一張張地存起來,大概不到一年半載,便給我超額花掉。所以自投身社會後,我便學聰明了,買樓好,買金好,買基金好,買藍籌也好,都是儲蓄的一種,每個月把錢早早支付了,省得礙眼。

其中有一次,好深印象的,幾年前去銀行辦些事,當時銀行的職員推銷我買份人壽保險。但說是保險,其實重點是儲蓄,每個月四百餘元,供滿八年後可以取回不少於五萬元的保證金額。她說,那時候妳拿來買架二手車,或者裝修一下房子,也很好呀!

就因為這句話,我買了。而其實這種小額供款,每個月在信用卡裡扣掉,無癢無痛,幾乎沒負擔感。我總覺得錢要趁年輕儲,養成了習慣,才沒有惰性。不然呢,當每個月駛慣兩皮嘢,忽然要搣幾千元出來做儲蓄時,是件好慘情的苦差。

現在,每次我加了工資,都會把多出的薪金作投資,加大基金供款額好,多買份儲蓄計劃也好。像我這種不能自律的人,更應設置些枷鎖給自己。

6 則留言:

Cooking Meow 說...

唉.. 我真係完全唔識儲錢
以前大洗, 一個搵一萬都無.. 但係可以食餐飯千幾蚊(間唔中一次)
買skincare個0的幾百蚊一樽都完全面不改容

宜家諗起都覺得貴..
好啦, 唔買野
但係就成日心思思走去買野飲
一日十幾蚊杯.. 有時一日兩杯.. 加加埋埋又唔見一千

我要儲錢.. 我要忍. ><

揚眉女子 說...

真係要忍, 先苦後甜!
當你唔覺唔覺咁擁有幾萬, 又唔覺唔覺咁擁有十幾萬, 你就會覺得忍得咁辛苦係值得既.

Cooking Meow 說...

知道!
我決定以後每想去買野飲, 花0的不必要0既錢0既時候, 就將0的錢儲起
分分鐘咁樣一個月儲到幾千蚊

揚眉女子 說...

係架, 戒左呢d 壞習慣, 受益既係你自己.

Cooking Meow 說...

我都要多謝你呢
你係我一個榜樣 ^^

揚眉女子 說...

努力!!