貴人出門招風雨？

昨天和舊同學聊天，又說起去旅行的話題。有一句沒一句地提議，竟然（幾乎）成事。

她說，不如去張家界啦。我說，好呀。她又說，都係唔好，不如去越南吖。我說，又好啫，不過依家可能貴喎。她說，不會呀，返廣州參加大陸團囉！

吓？！心裡有十萬個驚訝。我問，幾錢呀？她說，好平架，一千蚊。吓？！！我問，飛機呀？她說，坐車呀，不過好快咋，廣西下面就到。

吓？！！！

後來說著說著，又覺得無問題呀，買重保險咪得囉！

相約今天去做簽證，下星期一便可以取回，之後星期二上廣州，星期三一早起行出發。好完美呀！

今天一早醒來，看到高掛八號風球，大鑊了。九點收到她的來電，急問，點算呀？我說，咁聽日去囉。她說，好抆喎，星期二先攞到喎。我說，咁星期二朝早攞證，夜晚上廣州咪啱囉。她說，不過咁抆，唔知到時有無團喎。我說，無團咪自己去囉！

吓？！她好驚，問，咁堅？！妳唔驚呀？越南喎！！我說，唔驚呀。再心想，我買重保險吖嘛！

唉，不過呢，好大可能最後都是去不成。阿門。