好喱 hea 的越南之旅－－前傳

話說昨天本想收拾行李，可惜因為奧運關係，整天都黏著電視遲遲未有行動，就算連便藥都還未準備好，唯有寄望一路平安。

今天收到好同學的來電，說還未報團。咩事呢？但十三號團喎！她狡辯：「咁上星期五打去仲未成團架嘛！點知今日full 咗喎！」唉，我的好同學，妳不可以先報團嗎？大不了不成團咪退款囉。她呢，就是死也不肯蝕底。

於是，千里迢迢打上廣州、深圳，求求旅行社想想辦法。最終，又加到兩個位喎！不過我好懷疑是屈蛇無買保險的。好同學在大陸，交錢時，還要吵嚷好大雨喎、好老遠喎、唔就腳喎等等等等。終於我按捺不住，說：「咁鬼叫妳咁遲先報咩？咁多日都唔報，依家滿晒先走去報。」她才死死地氣收聲。

好了，報了團後，好同學打給我，說：「喂，佢無問我攞證件喎！」身份證？無問；回鄉證？都無；咁簽證呢？無喎；咁最起碼名都有喇啩？都。無。喎！吓？！咁係咪攞住張收據去？「佢話連收據都唔駛拎喎！」

明早我還要光速飛去灣仔拿回簽證，之後又要光速飛上廣州，唉。

又，每位同事聽到我去越南，都V 嘩鬼叫的，好登我擔心咁話。我還是那句：「唔驚，我買重保險架嘛！」

再又，有位好「踱」的同事說，在越南買東西好鬼平，她整個trip 花不到一元美金！

各路英雄，欲知後事如何，且看下（星）期分解！