2008年5月11日星期日

對不起,多謝你

其實我不太懂說話,我不喜歡說「對不起」、「多謝你」的話,說起來怪難為情的,真別扭。也不喜歡聽到別人對我說,到時我該用「唔洗客氣」定「傻啦你」回應?都一樣的令人渾身疙瘩。妖,諗起都打冷震。

其實我這個人很粗魯很火爆很沒禮貌,活像個男人一樣,這是天生的。從小到大我都不喜歡喊人,覺得很肉麻,大時大節看到親戚,都覺得很大心理壓力。我這份人,往往很輕易就能撩起火頭,罵人嘛,別人反駁時我又會生氣,沉默時我又會忟憎。我的火來得快去得也快,過不了三數分鐘我就會冷靜下來,之後便道歉--但不是「對不起」,只是「喂,點呀你?」這樣--這已經是我最大的讓步(同時也是進步)了,縱然我知道是我的錯,但我就是不喜歡說出口。

其實我也蠻三尖八角的,我知道我這種性格並不被人受落,但我從來都不打算改變。就算有天我真的變乖了變文靜了,也可能是騙你的。我便是我,我並不覺得我需要變得更好來讓更多人愛我,我需要的只是一個。我知道曾經有不少人被我這樣的性格傷害了,但深想一層,這只不過是我僅有的自衛術而已。

24 則留言:

是我 說...

對不起,多謝你

我很少說對不起,因為我真的很少對不起人。

我卻常說多謝你,因為那是接受,那是感恩。

傻妹,其實你也曾說謝,只不過不用「多謝你」這句式而已。

揚眉的烈火,是因為有可以燃燒的東西,假如沒有這些,要燒,也燒不起來了。

我倒想試試,能否每天都寒食。

揚眉女子 說...

哈哈, 我真係有道謝過? 咁你好彩, 唔似我.

揚眉女子 說...

寒食? 即係叫我禁火呀?

是我 說...

,「謝謝你陪了我一整天...」,你忘記了?

嗱嗱嗱,唔准收番!

是我 說...

不是禁,是自覺地不生火,哈哈,不要太認真,自然而然還是最好的。

揚眉女子 說...

啊, 金句, 只此一句.

冇火, 就水. 唔鬧就喊, 咁揀邊樣?

是我 說...

唔准喊,唔想你喊,情願你鬧我!

揚眉女子 說...

我諗我唔會鬧, 你咁講我會冇晒火.
我喊, 你都唔知啦. 我覺得比人知道好醜怪.

是我 說...

背地垂淚也不要,我要你欣然的笑,偷偷的笑也可以!

揚眉女子 說...

哈哈, 唔會偷偷地笑, 我笑得咁大聲, 全世界都知.

是我 說...

睡前枕上的輕笑,怎會全世界都知?不怕人投訴!

揚眉女子 說...

輕笑? 咁淑女, 我唔做.

是我 說...

我都會輕笑,那我是淑男?哈哈!

揚眉女子 說...

唔係, 係斯文敗類, 你話o既.

是我 說...

那世界儘多是斯文敗類,我不會面紅!

不過敗類中,我還是最善良的那個,哈哈,覺得罷!

揚眉女子 說...

我都話自己善良, 你信唔信? 你一定話信囉. 係咪呢?

是我 說...

比你搶閘講咗,我輸!

揚眉女子 說...

我仲知你下一句想話:"不過我輸得好開心".

是我 說...

我愈來愈比你估到啦?

死啦,遲啲你覺得唔好玩,點算?

揚眉女子 說...

咁你可以話我估錯架麻.

死囉, email 都200 個, 仲未做recap, 仲未整辦, 今次死梗.

是我 說...

比心機做,見一隻貓,拆一隻貓!

揚眉女子 說...

睇完200 個, 不過仲未reply.
唉, 好想鬧人呀!!!

是我 說...

那鬧我罷,當我喺你身邊,用手指篤住我個頭,罵:死蠢,死蠢...

揚眉女子 說...

我依家唔只想鬧人咁簡單囉.
我諗成個星期都做唔完.