2008年5月7日星期三

日本第一天

(補記,寫於昨晚。)

現在是晚上十二點半,即是日本的一點半了。很累,昨晚幾乎沒睡,直到四點多,驚醒原來我忘了帶名片!好驚,只能小睡到六點就醒了。

一大清早便趕到香港機場,途中收到好些友的來電短信為我打氣,好感動啊!但當時腦袋空空的,來不及反應。現在回想好像有點不太禮貌,真不好意思。

十點,離開香港,往東京出發,三點到達成田機場。我們只得今天有半天空閒,明天要一整天在公司開會,好驚。先去了百果園吃日本生果,草莓又大又紅又爽又甜,吃了一串,好正。巨峰堤子和香蜜桃看來都很美,我們打算買一堆回香港,想起便興奮。但是呢,其實最後記不記得或還有沒有錢剩,都成問題。

夜了,到歌舞伎丁,真係大開眼界囉!街上站著好多穿西裝但染金髮的男子,做甚麼呢?原來在物色AV 女優,而又真係有女仔肯停低收名卡喎,好爆。看到其中一個纏著一名路過女子約十分鐘,那女子害怕得要打電話求救,最後西裝金毛才無奈放棄。咩事呢?最爆是,那女子好SM look 身穿低胸貼身露橫背bra 帶衣下身熱褲加半截露襪頭魚網絲襪斗零四寸跟,真係好有潛質架喎!

街上好多無料放送。咩叫「無料」?即是無格仔喎,又一個爆,咁有料卻叫無料。店前還不惜工本印有大量粉紙彩印的小冊子,我們走在店前逐間拿走那些宣傳小書,打算回港當手信派囉!又省錢,又一定比一大包的小吃零食更受歡迎。行行吓,驚見真人版「假大胸」,好震撼,假如她的腰有24 寸,她的胸肯定不只40”,還要E cup,還要硬過湯碗的,好明顯是手術失敗。還有啊,日本有很多易服人士,男扮女的,踏著四寸高跟鞋有六尺高,帶金色假髮黏濃密型假眼睫毛穿低胸滑身蕾絲晚裝裙,爆到呢,實在不能不一而再再而三回望。

逛藥店,拿著計算機狂督,左算右算,買了MJ 的唇彩一支和玻尿酸的保濕水一瓶(忘了名字,那個聲稱每四秒售出一支嗰隻)。耗了一小時,我覺得自己真係好忍得手。

後來看到一百元店,買下幾條手巾幾支髮叉,折合才港幣七元一件。走到累了,在街邊車仔檔叫小吃。日本晚上有點冷,我沒帶外衣,吃下熱騰騰的食物,身子就暖很多。

餓了,吃拉麵。日本的拉麵原來真有不同,手造的,很有咬勁,所以貴得有道理。最後再吃壽司當夜宵,新鮮而大份,但其實我覺得香港的比較好玩,日本當地的壽司沒那麼多新選擇。發現原來日本好多基佬,在街上閑閑地都揪得出十打八打。單是這間壽司店,全店才十多人,已經有兩對基佬情侶互餵了,好爆。好了,吃到十一點,街店都關門了,我們就回酒店去。忽然就遇到一件很爆的事,深夜醉酒佬很多,看到一名飲醉了的在街上拚命撩路過的女仔,好驚,真的好驚他會衝過來攔我們,最慘是我們是啞的。

幸好有驚無險,下了鐵路,順利走上回酒店的路。走到一半才驚覺,忘了買水喎!但我們住的地方都是商業區,晚上莫說便利店,人影都冇隻,咁點算。頂,兜兜轉轉,最終要回去鐵路站買水囉。回到酒店,我的腿簡直不能再伸直了。

好了,已經兩點三了,是時候要睡。相片後補上來,上文我知打了很多錯字,但我累得沒心情改了,就請你們直接告訴我,好嗎?

嗯,日本雖然好玩,但我還是想念香港。

14 則留言:

匿名 說...

無料是免費的意思 , 不是無格仔。

說...

加油!

揚眉女子 說...

abby!! 我睇左你本日本通書喇!!!


sorry, 應該係無料放送.

謝更正, 咁即係唔洗錢有得睇??


翠,

已經冇油, 燈盡油枯.

是我 說...

哇,真是變態都市,以前唔係咁架!除咗醉酒佬!

酒店無水飲?

瞓啦,瞓多啲啦!

揚眉女子 說...

尋日唔係星期5, 星期5 晚仲爆呀! 不過我地兩個真係盲巫出城咁, 講乜佢地都唔明, 到佢地明, 我地又唔知佢講乜. 依家返到香港覺得老蘭d 女濕濕碎啦.

冇喎, 又係另一個爆囉.

瞓唔著呀, 我上司尋晚又係好夜. 我地研究過應該係飲左綠茶乃野囉.

是我 說...

睇嚟你地真係 high 到爆!

好啦,我唔熄機陪你,到你想瞓為止!

揚眉女子 說...

唉, 好慘架想訓訓唔著, 我唔係想HIGH 呀, 係乃左野咋.

你好去訓喇喎, 聽日咁早.

是我 說...

唔得,想陪你,我捱到!

揚眉女子 說...

唔好囉, 咁即係攬住一齊死.

話時話, 我漏左一樣好爆既野, 尋日係歌舞伎丁見左對基佬, 好出位, 當街摸都算, 摸摸下, 忽然其中一個條褲浪度忽然有條鐵鍊抆左出黎囉!!! 我地仲諗唔知條鐵鍊扣係邊度.

是我 說...

哇,真係變態死,色慾都市呀色慾都市!

攬住就攬住啦,大家鬥殘。

揚眉女子 說...

不過好爆喎, 笑到爆咀呀, 我仲同我上司講好唔好跟佢地尾, 睇下佢地去邊間酒店, 不過當然係冇啦, 會比人打囉.

呢D 野係日本先有咋, 梗係要望多幾眼.

是我 說...

唔好咁盡呀,要留意人身安全!

揚眉女子 說...

唉, 聽日都冇機會去到盡啦.

你好去訓喇, 我唔同你講喇, 再講你唔洗訓. 晚安啦.

是我 說...

好啦,你都要瞓啦,high 完要靜落嚟啦,早唞!