叫外賣

經我多年叫外賣的經歷，有幾次印象很深刻的。

我：「尋日你哋收多咗一蚊呀，咁今日比少一蚊啦，你駛唔駛打返公司問問？」
外：「啊，唔駛啦，一蚊之嘛！」
（好豪呀！一蚊之嘛！攪到我好孤寒咁。）

我：「張外賣紙好難睇喎！」
外：「唉，我都知好難睇得明架喇，不如你打返去advise 吓佢哋啦！」
（佢真係用「advise」呢個英文字。之但係，佢係個送外賣嘅中年阿叔喎！）

我：「喂，外賣仲未到喎！」
店：「嚟緊啦！」
我：「攪錯呀，未出架？」
店：「出咗架喇。」
我：「咁又話嚟緊？」
店：「啱啱嗰個伙記撞車死咗吖嘛！」
（駛唔駛「撞車死咗」咁誇呀！未出咪未出囉！）

還有這個。