應省則省

嗱，事先聲明，以下仍本人親身經歷呀吓。

關於家裡上網的事宜，從來都不是我負責的，所以我一向都沒留心月費和合約期限的問題。一直幫趁了舊網絡商「禾口言己」好幾年，自上年年尾起，開始出現狀況，平均一個月總有兩三次斷線，氣得我顧不得餘下的合約期，跌錢忍痛轉去新供應商。

舊寬頻公司索價二百大元，沒記錯的話是30M 的速度。對於我其實30M 和100M 都是沒分別的，因為我只會上網寫吓博開吓電郵睇吓新聞，但對於家弟卻感受深刻。每次看他上載下載資料，往往要幾個小時甚至一整個下午。慢不是問題，但最天人共憤的是，上上吓忽然斷線喎！仲要係一兩日喎！

記得當我尚餘兩三個月的合約時，有一次，我終於狠下心決定把餘下的月費豪俾佢！我著家弟看看市面上的寬頻供應商，有沒有那一家又快又抵又好用的？後來他說，有家＄99 有100M 好似幾OK！我忘記了名字，因為一聽到＄99 我已經有點難以置信了。係咪架？有無其他咩咩收費架？真係100M？有無人用過先？

算了，死就死。結果我諗過度過覺得都有「SO」的情況之下，首肯了家弟轉用新寬頻。

平常後知後覺的我，早前看到一下子湧現很多關於香港寬頻的博文，咦？乜又係＄99 100M 嘅？細問之下，才知道原來自己正正也是受惠者喎！雖然有點無聊但我自覺做了個正確的決定而感到光榮呀！作為博界一份子的我，有好嘢當然要推！