2009年12月1日星期二

風月版

跟同事們聊起風月版,以前家裡還有買報紙的時候,我會先打開娛樂版,有心情再看看《男極圈》--類似舊時的《骨精強手記》呢,介紹南北佳麗青春玉女。還有好記得歷久不衰的《相中吟》,當中的四句詩,最經典。

那時並不懂甚麼濠江、大富豪,但這不重要,我只是喜歡看內容而己。自小我便認為風月版的記者好堅了,每天都有貨出喎!實在十分佩服。而且遣詞用字往往都是很精準啜核的,我覺得好睇過瓊瑤姨姨的小說架!試想想,要把那些複雜又抽像的招式過程三言兩語便描寫得活潑傳神,你估個個都是黃霑嗎?

從前我是買《東方》的,所以當轉看《蘋果》時很不習慣,因為新報章的風月版只有一頁咁大把,而且不好笑,便沒再多看了。近幾年更加少買報紙,連茶樓巴士上都沒再見到麻甩佬打開風月版磨爛蓆--現在已經沒這支歌仔唱了。

現實的我是個很不拘小節的女人,也從不忌諱於情色之事。我認我會認真看風月版架,我是真心欣賞的,而且曾經也有想過,嗄,如果我跑去當記者,寫咸故都幾好喎?

11 則留言:

我不是公主 說...

我記得我以前有迷過蘋果其中一個風月版專欄嫁...
嬲尾覺得愈寫愈悶就無睇了....

新鮮人 說...

人家咁辛苦寫咸古,
唔係想你笑喎,
哈哈哈哈~~~~

你何必嘗試在這裏試寫,
我一定大力支持!!!
唔洗怕被人投訴喎,
而家邊有人當文字嘅嘢係咸濕,
個個無嘅想像力,
淨係識睇圖片,
好耐無睇過咸古了,
請問你幾時開始呀?
萬分期待呀!!

揚眉女子 說...

我不是公主,

係呀, 好多時都爛尾. 我覺得因為換左人寫.

新鮮人,

嘩, 咁睇得起我?
好, 有機會一定寫.

篤篤篤撐 說...

我識得蘋果風月版編輯, 係靚女來的, 佢話從前有幾個寫手好勁, 但係人來人去,好叻果d去左...

揚眉女子 說...

去左邊?

Iris 說...

以前阿媽會煞介有事咁收起風月版,唔俾我地睇到,搞到我心思思想知係咩黎。
哈!結果有次偷偷睇,即刻諗“車~三點式女人之嘛!有乜咁特別?” =P

揚眉女子 說...

我細個都係喎! 不過唔係阿媽, 係阿爸!

我不是公主 說...

我個陣同朋友成日拎0的風月版黎笑...
仲有Yes!個Miss Sex..

記得個陣咩都唔知, 朋友同我講做愛要除晒衫..
我仲同佢講「嘩, 要除晒衫嫁? 咁冬天咪好凍?」
宜家自己諗起都白痴 XDDDD

揚眉女子 說...

YES 我反而無睇喎!

新鮮人 說...

原來以前啲咸古好多係女人寫架!!!
真係估唔到,
仲以為係啲咸濕老嘢寫添! =p

揚眉女子 說...

所以話文人係雌雄同體!