太陽能手電筒

今天看到同事桌上的新產品，細細個，扁扁方方的，平面上有一格格暗黑色像計算機的太陽能板。於是我問：「咩嚟㗎？」

她回答：「呢個叫太陽能手電筒。」

聽罷，覺得有點耳熟，眨眼，再貶眼，然後「叮」一聲，啊！！！

「啊！達聞西！！」

真係攞你命三千。於是，我們一邊聊起經典對白，一邊笑到氣絕身亡。

「呢支唔係普通嘅電筒，呢支係唔使電芯嘅太陽能電筒，喺有光源嘅時候佢就會著。」
「咁如果冇光呢？」
「絕對唔會著。」
「有冇可能冇光都著呢？」
「問得好，熄燈。」
「係。」
「只要攞另外一支電筒出嚟，照住佢，佢就會著㗎喇。嗱，係咪呀？」

「聞西！見返你真係好呀聞西！」
「叫我達聞西。」
「好哇，聞西！」

「近嚟去咗邊度做呀？」
「喺精神病研究院。」
「係咩？研究啲咩咁呀？」
「俾人研究。」

「呢支槍全名叫蠱惑的槍，向後射完再向前梅花間竹咁。」
「你唔早啲講！」
「啲血係咁飆，攞塊膠布嚟粘住先啦快啲。」