2009年3月18日星期三

反客為主之意粉屋篇

話說R 君,我們約了今晚吃飯。我提議去意粉屋,約好六點半在旺角等。到六點鐘,我看他還在公司,罵他說,還不走如果遲到我不等了,於是他便拿拿臨說走啦走啦一定準時啦。我六點半到,看到他已站在出口前,甫看到我便唸,一早到咗啦等妳好耐喇;我反駁他,咩呀咪六點半囉我準時喎係你早到咋!

一坐下意粉屋,我便頻呼好窮呀無錢呀又要供樓又要供基金又要還錢又要助養兒童又要養家又要養BB,大喊哩樣好貴嗰樣唔抵,強烈要求他點兩客意粉飲水好了。他回敬我一句,頂妳咁早講去KFC 啦!其實我是捉弄他的,他當然知道,但聽到我說今年沒加人工反而有減的危機時,他心有不忍,主動說要我出百五元好了,他包底。所以他沒理會我刻薄的要求,兩個人點了三道菜兩碗湯兩杯飲品。我便說,頂你如果我早知你咁大食去大家食算!他續說,頂反正妳都係出百五蚊架啦妳有SO 呀!咁又係喎。

吃著吃著,說起我的旅遊大計時,他說他有兩張來回泰國的免費機費,我立即說好呀好呀去啦去啦幾時去呀我要睇睇日子喎!他瞪我說,乜有話俾妳咩;我說,唔係俾我做乜同我講呀乜有其他人同你去咩你都無女。氣死他了,但又反駁不了。他說,但他要豪住RESORT。我的概念是,在泰國豪住,即是五舊水的那種酒店啦!他強調,係RESORT,唔係酒店,即係露天大浴缸嗰種呀。我叮一聲,說,哦,即係對出有私人海灘呀遊艇呀麻雀會嗰啲吓話!他立即說是,但想了一秒不對勁,立即更正我,咩麻雀會呀頂妳妳估皇雀會呀?

他說,咩五舊水呀起碼要四五千蚊嗰啲RESORT 呀!我眨了眨眼,說,四五千?我去歐洲都得啦駛跟你去泰國?我堅持只花兩千去泰國玩一轉,他便半妥協地說,算我唔理咩RESORT 總之我一定要有個露天大浴缸。……&%$#@!!!

OK,當要埋單時,他說要趕回家看Laughing 哥今集會死。我大驚,吓真架?他點頭,然後好自豪地說在FACEBOOK 加入了Laughing 哥大聯盟(好像是),還說全公司的人都加入了,而且由昨天的四萬幾會員激增至今天快七萬,著我要把這消息宣揚開去。我大笑,咩事呢真的嗎這裡有Laughing 哥大聯盟的成員嗎?

埋單時,我眼明手快地著他先簽卡我再拿百五元還他。當我正要拿錢包出來時,他著我收回去,我不解,問他為甚麼,他說不要給了,我愕了愕,說之但係是你生日喎!他便老羞成怒地說,之但係妳俾返百五蚊我好樣衰哩!我們狂笑了一分鐘。我再問他,之但係你話下次請我唱K 仲算唔算數架?他說,怕咗妳呀仲有妳生日嗰餐欠咗妳喇港女!

9 則留言:

Albert Jiang 說...

恩,閱

不是公主 說...

有0的咁0既朋友..
羡慕死人咩~

揚眉女子 說...

AJ,

認同"港女"呢句?

我不是公主,

真係唔洗羨慕! 只要對人好, 人地就會對你好架喇.

匿名 說...

我呀我呀,我都係 laughing 哥粉絲... 琴晚真係睇到我呢... 喊到收唔到聲 (聽講好些男人都會睇到喊喎! 唔知你朋友有冇呢,哈~~)

揚眉女子 說...

哈哈哈, 就算有佢都唔話無啦! 不過話時話, 我都幾乎喊!

不是公主 說...

只要對人好, 人地就會對你好架喇

雖然呢個係我0既做人宗旨
不過對人好,人地未必會對返你好

揚眉女子 說...

有時要帶眼識人. 呢方面我眼光唔錯!

不是公主 說...

我無咁0既命....

揚眉女子 說...

上天係公平既, 妳自然有其他方面好命過我!