叫外賣

看到翠叫外賣的故事，我也有一個。

就上星期，又是下大雨的日子。坐在辦公室，我如常打去吃外賣，那時，十二點。

我：「外賣，十二點半到，得唔得？」
店：「十二點半呀？好抆喎！未必得喎，真係好抆喎！」
我：「咁你盡量囉，得唔得？」
店：「盡量囉，不過真係好抆架喎！」
我心想，頂。「得啦，你盡快啦吓。」
掛線。

十二點九，M 說還未到，著我打去催促一下。
我：「喂？我十二點叫咗外賣幾時會到？」
店：「出咗架喇！」
我：「咁幾點出架？」
店：「吓？我都唔知喎。」
我：「咁又話出咗？」
店：「我幫妳check check 啦！」話口未完，便掛了線。

一點，我再打去。
我：「我係乜乜大廈，叫咗成粒鐘喇，仲未到喎！」
店：「出咗喇！」
我：「我知呀，咁究竟到未架？」
店：「就到啦，你哋十四樓吖嘛！」
我：「吓？我係十五樓喎！」
店：「啊，十五樓都就到架喇！」又話口未完，便掛了線。

等到一點半，我再打去。
我：「喂，我叫左成粒半鐘喇！仲未到喎！到底你個伙計去咗邊架？」
店：「出咗喇！」
我：「妳講咗三次喇！咁到底去咗邊？」
店：「佢喺停車場呀，唔識上嚟呀！」
我：「咁依家點先？我要開工喇！依家唔到，我唔等喇！！我唔要喇！！」
店：「啊，咁一係妳聽日再叫過囉！」
我頂！！！「吓？！我聽日再叫？我以後都唔叫妳間嘢呀！」
店：「啊，咁是旦囉！」又話口未完，又掛了線。

我拿著電話筒，O 晒咀看著M ，複述所有對話給她聽。聽後，她爆晒粗：「乜X 嘢呀依家，放火燒X 咗佢間舖呀！」