2009年7月17日星期五

遠道而來的午餐

這陣子天氣熱,午飯時常常頭痛去哪裡吃才好。我們都不太想出外,走到街上不消五分鐘便要流汗了。我公司附近都是名店商場,選擇不多,唯有喊外賣吧。但有時吃膩了,便會嚷著要找新的東西吃。

洋挑食,偶然跟他投訴幾句,他都很認真地回應我。其實我只是向他乍乍嬌而已,對食物我要求不高,尤其是午餐。可是他卻特意跑去九龍城買了外賣給我,那天,十二點接到他的電話,著我下來把食物帶上去。

我皺著眉問他幹麼千里迢迢跑去老遠買麵呢?他說因為那裡的牛腩麵很好吃。我沒出聲,其實我不太喜歡吃牛腩。他續說,因為看我平常不怎麼好肉,所以喊了雲吞麵,外加一盒牛腩。還有一瓶順興的奶茶,他說味很滑很濃。

交到我手時,他靦腆地著我小心打開袋子,因為怕剛才送來時可能不小心翻瀉了一些湯。他說的那家麵店,我忘了名字,叫「金豪」吧。那些雲吞好吃,又鮮又爽;牛腩我只吃了幾塊,其餘的我分了給同事。但最令我愛不飾手的是那瓶奶茶,很香。

13 則留言:

Tom少 說...

你竟然找到這樣的男人,我只能夠同你講一個字-->「嫁」! 快d!

揚眉女子 說...

唔會啦, 我地係朋友咋.
唔好諗咁多喇.

Tom少 說...

朋友變男友, 係好正常! 係你唔好諗咁多先至啱! 呢種男人買少見少!

新鮮人 說...

九記?
不是在港島的嗎??

做到咁樣,
佢點只當你係朋友呀?
咪扮儍女好喎1 =p

揚眉女子 說...

TOM 少,

我都知佢好好, 不過一唔一齊要講機遇緣份. 我只能夠講我知我地唔係, 亦唔會係.

新鮮人,

你啱, 我記錯咗. 唔知係咪"清真牛肉館", 我要查證下先.

唔係扮呀, 有D 野唔係中意就得, 總之唔會啦, 一言難盡.

新鮮人 說...

唔鍾意就唔好受人家咁多"禮"了,
無謂等人哋有不切實際嘅"期望"啦!
小心第日多個痴心漢子,
日日纒住你唔肯走就大劑囉! =p

揚眉女子 說...

大家都知架喇, 我知佢點諗, 佢知我點諗.
有D 關係我唔識表達, 好似知己情人之間咁.

Tom少 說...

絕對同意新鮮人.
你既然對人冇意思, 你就咪接受人地咁多茶禮!

揚眉女子 說...

TOM 少,

你誤會左, 件事唔係你咁諗咁. 我無諗住厄佢, 或者多個觀音兵咁衰. 我地拎過出黎討論過, 大家都知咩事, AGREE 左唔會一齊, 維持依家呢種相處方式.

我唔識點講, 我諗其實好多關係都咁無奈, 唔係中意就一齊咁簡單.

新鮮人 說...

多口講多聲。

我係男人都話男人好死蠢呀,
講明都無用架,
禮你照收,
佢會以為你口不對心,
諗住氹氹吓就會成功,
到時你忽然鳴金收兵,
佢實死纏爛打唔放手,
無結果啲投資男人唔會做,
做親就有一定嘅期望,
男人就係咁天真,
唔係邊有動力走到山長水遠買嘢你食喎,
你話做普通fd有無咁有心吖嗱?
因住到時多個儍佬有殺無賠喎,
唔好話我嚇你呀!

揚眉女子 說...

應該咁講, 佢對我好唔係為左追我, 真係單純想疼惜我. 我亦唔係會佔男人便宜既人, 唔會因為虛榮而接受佢既好意.

因為大家都各有問題, 所以自知唔會係埋一齊. 就算會, 都唔會係短期, 唔係依家, 因為要犧牲放棄好多野, 而呢個機會真係微乎其微. 係呢一刻, 我地都覺得未係時候去考慮呢D 野, 做朋友會自在一D.

聶秀康 說...

順興奶茶好出名,係九龍城.

男的永沒法明白有時男對女方好不一定牽涉情感,要開始早就開始不會因為對方為自己做任何事...

以上乃個人意見.

揚眉女子 說...

其實我地又唔係純粹既朋友, 只係大家都無刻意去介定咩關係, 總之, 大家都知唔會一齊.