2009年8月12日星期三

甜品

今天突然發了個短訊給洋,知道COVA 嗎?他打電話來,問我甚麼事。我吞吞吐吐地說,無呀,想問你知唔知之嘛!當然這只是開場白,其實我想拉他去吃。

他問我吃過沒有,我用力地嗯了一聲,我說去過幾次。他不甚熱衷地問我,好吃嗎?我說還可以吧,但好想試它的下午茶自助餐。他不屑地說,意大利餐廳的下午茶,有甚麼好吃?

我立即澄清,其實是甜品自助餐啦,我好想吃它的撻呀、餅呀、蛋糕呀、巧克力呀,之類。聽罷,他恍然大悟,又不以為然地反駁,這些東西沒甚麼特別呀!

我故意不耐煩地重說一次,但我喜歡呀,要你管。他支吾了幾句,我沒用心聽,後來他忍不住問我,為甚麼妳不叫我做給妳吃?說時,語氣頗有老貓燒鬚之意。

哦?我倒是一點也沒想過,我也忘記了他的身份,怪不得他無慟於衷。於是我本能地反問,你做給我吃?他連忙接著我的話,笑意盈盈地說,對呀,我做給妳吃不就行了嗎?

我愕了一秒,才懂哈哈大笑。我取笑他說,難怪他剛才蠻不是味兒的。

9 則留言:

carol 說...

我又想試下佢d手勢喎!

揚眉女子 說...

佢話自己雖然唔係專做甜品, 不過話晒都係大廚喎... 搵次佢整完我拎D 比你試下.

carol 說...

好呀!! :)我都好鍾意食甜品!
不如我地搵次weekend去royal garden食丫? 好耐無食過...

揚眉女子 說...

royal garden 有甜品自助餐? 都好呀!

carol 說...

yes! 我食過兩次, 一次係dessert buffet, 一次係下午茶buffet, 我個人覺得下午茶buffet d dessert好食d添! (唔知點解!)

揚眉女子 說...

=_="...
咁, 殺妳!

我不是公主 說...

royal garden 0的甜品真係幾好食...

and 見到你咁開心, 我都好開心呢~
請一直開心幸福~~~~

ee 說...

揚眉,別吃甜品了,現在的你,已經甜在心頭..甜到漏喇...呵呵呵.

揚眉女子 說...

我不是公主,

我尋日同佢講左royal garden 甜品, 今次態度轉晒, 佢無"嘴gel gel", 因為話晒都係同level喎(大酒店)!

ee,

哈哈, 咁咪益左佢?!