2009年8月11日星期二

新髮型

說了很多次要再去電髮,終於拖到星期日行事。

我常去的那間,已經光顧了很多年。那時我就住在附近,後來搬遠了,還是堅持走半小時過去;再後來搬得再遠了,乘車也要去。數算一下,我已經遷了三次家。

好記得那時新開張,是老闆娘親自幫我電髮的。周遭少說也有上十間髮廊,至於為甚麼會選這家進去,說來好笑。其實我從來沒考慮過這家店,幾次過門而不入。後來媽媽力推--力推的原因,純粹因為見到啲髮型師好後生喎!--那麼是旦啦,去就去了。

第一次電的時候,的確有「對了」的感覺。於是下次三數個月後,又再去,但那時老闆娘已經上岸了,不再落手落腳幫人做頭啦!改成她的伙計,還可以。後來好幾次,換成不同的伙計,已經沒有那種喜出望外的興奮了。

左邊是上個月的相片,很討厭這種不曲不直的捲度,又鬆又亂的。右邊是新照,剛電好時拍的,其實有點失望。我已經一再跟髮型師強調,我要從髮根捲到髮尾的那種,但最後還是很留手地做。回到公司,沒有人發現我電過了髮。灰。

題外話,我喜歡金色眼影。但眼線,我還是不懂畫。

(相片已換。)

18 則留言:

匿名 說...

第2張相同第1張都有好大分別呀,
是好明顯電了髮呢!
可能你下次要同佢講話電爆炸頭=)

揚眉女子 說...

第一日分別大D, 之後洗完頭就打回原形喇.
電爆炸頭--> 我其實真係有咁諗過架! 不過我又驚佢地以為我講緊"金毛獅王"個隻.

匿名 說...

妳電大鬆毛啦!
一定襯妳,或者傳統電髮,陶瓷那種頭頂電不到架!現在這好像不三不四。

揚眉女子 說...

大鬆毛--> 真係就咁同佢講??
其實我已經係傳統電髮喇, 我知陶瓷一定死梗, 已經力拒佢sell 我.
我都覺鬆毛一定襯我, 不過我d 同事一聽到就皺晒眉, 話會好爆架喎...
不三不四--> 頂吖我都覺!!

carol 說...

我一早都叫你去我電開o個度試下啦!

你呢排唔開msn既?

揚眉女子 說...

我唔想咩... 咁你又岩岩剪完! 下次一定要去.
乜你掛住我咩?? 成日話我多野講, 咁我咪消失囉...

carol 說...

冤枉呀大人, 我幾時有講過??
係你上次話想約我, 但我o個日唔得閒之後你就無再msn咋!
我從來一直都咁講過你多野講喎!!!!!!!! 你會唔會記錯第二個人呢?? 我好鍾意聽你講d好爆既野架喎.. 而家咩事呢??
只係我知道已經唔會再勸到你做任何野, 而放棄勸你了, 感情既野你自己自由發展啦, 我又唔係邊個... 開心就得啦!
不過我再強調我真係無講過你多野講, 只係可能我msn有時reply得慢!!

揚眉女子 說...

哈哈哈, 我講下之麻, 其實因為我好忙呀, 有客嚟.
妳講一句咪得囉~ 妳想聽我爆嘢之麻, 就成全妳!

carol 說...

點止呀, 直頭要請我食飯加埋送一大堆禮物俾我補返數添呀!! 亂咁講下既代價好大架!!

揚眉女子 說...

真係好大...!!!

carol 說...

係架!! 唔好諗住扮唔記得你講過d咩呀!! :P

揚眉女子 說...

咁搵日出來食飯啦! 有拖無欠既!

carol 說...

你得閒先啦, 又話有客, 又要陪人... 搵到邊日俾我攝入去我都已經要感恩!! 哈哈!

揚眉女子 說...

呢個月抽一日約妳, 應該唔難既.

carol 說...

好! 等你! :)

AJ 說...

好看

ToM 少 說...

傳統電髮, 不如傳統直髮, 靚D!

揚眉女子 說...

AJ,

我覺得一般, 唔夠爆!

tom 少,

下次我要電直~