湖南 vs 廣西 vs 關西 vs 雲南

以下是今天乘車時車長們在大氣電波中的對話：

車長甲：「你個大學生女朋友（！）邊度鄉下話？湖南呀？定廣西？」
車長乙：「廣西呀！」
車長甲：「湖南定廣西落大雪喎，你返唔返下去振下災呀？」
車長乙：「呢個問題你問過喇！廣西係冇落雲架，落大雪個度係湖南呀！」
車長甲：「下，係咩？......」

＊＊＊＊＊＊＊＊＊＊＊＊＊＊＊＊＊＊

車長甲：「咁你邊度鄉下架？厚街呀？」
車長乙：「大朗呀！」
車長甲：「大朗？即係厚街呀？」（好明顯，此車長淨係識去厚街。）（又，去厚街最出名做乜？）（去滾囉！）
車長乙（開始不耐煩）：「大朗係樟木頭附近啦！」
車長甲：「啊......咁廣西係咪即係關西呀？」（！！）
此時殺出個車長丙：「廣西係廣西，關西係關西喎！！」

＊＊＊＊＊＊＊＊＊＊＊＊＊＊＊＊＊＊

車長甲：「廣西.......可以行去越南喎！」（！）
車長乙：「嘩！四個輪都有排行喎！」
車長甲：「乜唔係癡埋架咩？」
車長丙又頂唔順：「癡埋個個係雲南喎！！」
又突然殺出車長丁：「唏！雲南咪係廣西裡面囉！」（？！）

原來世界係咁細......