我無咗條盲腸呀！

是咁的。

上上星期五下班時開始肚痛，原以為腸胃炎，於是收工拿拿臨回家看醫生，開了點藥，返家一直睡。勉強撐到九點，小腹右方愈來愈痛，才意識到可能係盲腸炎喎！

盲腸炎是會痛到阿媽都唔認得的，我連站起的力能都沒有了。媽媽說，不如叫白車啦！吓，咁柒？本想拒絕，但我連落樓截的士的本事都無，咁就俾白車載咗去急症室了。

等到十一點，終於睇醫生了。醫生按一按我的肚，我說好痛呀！他便叫我入院，明天做手術。就係咁，胡里胡塗留醫吊了一晚鹽水。護士告訴我，嘩都唔知咩事入咗廿幾個都係盲腸炎嘅！

翌日中午，姑娘跑來催我要做手術喇！我好快地被推入手術室，全身麻醉，句半鐘後醒來，痛到我想死！於是我喊護士來，打了一支止痛針，不行，再打多支，還是不行，直至打第三支才稍好一點。

被推回病房，護士打開我的被子一看，不得了，傷口滲得很嚴重。於是叫了當值醫生來，在我的肚上鑑生多縫三針。看到肚皮一條長長的破口，我問姑娘，打了多少顆釘？姑娘幫我數一數，足足十八顆釘，外加後補的三針。

我問醫生點解咁長嘅？他只是說開大咗。好明顯，我被無辜辜地開大咗，而且是大咗好多。

整整吊了兩天鹽水和抗生素，我只能呼吸和不停打止痛針。我的傷口一直在痛，偶然滲血，睡醒的時候都很難熬，直至第三天醫生迫我下床，說一定要坐吓行吓。第四天，出院。

轉眼手術後的第七天，回去拆線，同樣觸目驚心。由於傷口太大，拆線時護士好像十分猶疑拆不拆好的樣子，然而最終勉強拆了。今天是拆線後第二天，仍然有滲血的情況，還不能濕水，護士說過兩天再回來洗傷口。

就係咁，無咗條盲腸，多咗條百足虫。