2008年12月17日星期三

和民石鍋牛肉野菜燒之彈油篇

前些天很晚才下班,大概九點多了,於是隨便找家餐館吃晚飯。他說不如和民吖!我瞪了瞪他,你以為現在撐檯腳嗎?於是我即時否決了這個建議。但很無奈地,附近除了快餐,似乎只有和民這家餐館。

很不可思議地,九點半還在排隊。等了兩個,才輪到我們。極速點了四個菜式,本來平常的晚飯聚餐並沒甚麼值得記下,直至來了石鍋牛肉野菜燒,我暗暗發誓一定要寫上博。

起初我們以為是火鍋之類的東西,因為看圖片蠻像的。再不然,名字聽起來也像是甚麼燒野菜燒牛肉吧。但端來的,是一碟生牛肉野菜,和一碗燒至熱辣辣的石磨大鍋。於是我夾起肥牛放在石鍋內燒。誰不知沒多久,肥牛被煎出油了,油花一點點地彈起,我的手背就劈劈啪啪一點點地接,好痛。但又不能退縮,因為肥牛很快便會熟,放下去反兩反便要夾起。雖然沒起水泡,但那種感覺就像打針一樣,不停地拮針喎!而且不準縮手。

當我V 嘩鬼叫地燒了數塊後,他才說:「其實唔係放晒落去一齊燒咩?」我愕了愕,忽然有點老貓燒鬚。頂吖,唔早講喎!後來一侍應路過,對我說:「小姐,其實係全部倒落個鍋度架。」我唯有死撐:「咁咪仲多油彈上嚟?」侍應立即回應:「吓?應該唔會囉!」之後便走開了。

我看著她的背影呆了一兩秒,停住了手勢。還來不及反應,他便搶了我的夾子自顧自地端起碟子把食物掃下鍋。

就係咁,雖然好「火羅」爆但又若無其事地吃完這頓晚餐。

6 則留言:

carol 說...

如果係我, 都會死撐...
哈哈哈哈...

揚眉女子 說...

哈哈哈!!! 好彩我都唔係太衰O者!

V 說...

其實我都會撐落去的XDDD

揚眉女子 說...

哇哇哇, 原來世上真係有咁多厚顏人!!!
呀唔係, 係同道中人!!!!

carol 說...

"同道中人"呢個term形容得好!! :P

揚眉女子 說...

所以下次都係唔好笑人...