2010年2月9日星期二

送花

今天去了花墟一趟,奉命訂了一束花打算送給得獎的同事。問問價錢,是不是因為新年和情人節的關係呢?動輒八百一千,格價格了整條街,終於不辱使命完成任務返回公司。

出於口痕,我問,喂你還要送花嗎?我想都老夫老婆了,應該可以免除這些繁文縟節吧。回應,要架!情人節呀、生日呀,都係指定動作嚟架!

我瞪大眼睛,「吓」了一聲。我說,不過好貴喎!真係好貴喎!我再三強調「好貴」這兩個字,不是說那一千幾百捨不得花,只不過,我是真心認為這是件很浪費的事。生日送花,我覺得還合理,雖然說到底我還是不太贊成。但情人節送花,卻的確有點兒那個了。為了炫耀條佬好愛自己?為了證明自己好矜貴?

這種舉動,和迪迪尼攪婚禮有異曲同工之妙。友說,喂,係咁架喎!他的意思是,女人,係咁架喎!於是再一次證明,我真係男人心。我說,大佬,你知唔知放工拎住扎花返屋企有幾哩hea?你知唔知拆嗰扎花要用幾耐時間?你知唔知拆出嚟嗰啲花紙可以塞滿幾多個垃圾桶?

和我聊著這些話題是件好不浪漫的事,我承認。我告訴他,收到花時通常我都會找來同事M 小姐幫我即場分解,再分給各同僚。我不喜歡捧著又笨又重的花束回家,要知道在人來人往的交通工具上,咁掗拃是會被人歧視的。將心比己,因為我都會。

忽然間他又仿佛刮目相看般,嚷著要解構我云云。我笑說,乜呀咪你諗乜我咪諗乜囉有乜好出奇。這倒是真的,我想的,其實都跟你想的一樣。

4 則留言:

佛爺 說...

花都唔食得嘅,買食品好過,豬肉乾仲好喇!啖啖肉!

匿名 說...

掗拃

The Man Who Loves Everton 說...

Ha, you are not the only one. I know someone who will be unhappy if I send a bouquet to her office on those special days.

揚眉女子 說...

佛爺,

乜你中意食豬肉乾架?

匿名,

係喎! 謝糾正!

The Man Who Loves Everton,

唔係獨特, 只係呢d 人比較少見o者!