整容疑雲

這幾星期，貓被我家的老頑童作弄了很久，已經變得很兇。於是媽和我都一直阻止他不要再招惹貓貓，他當然不聽，惹怒到貓咆吼就哈哈大笑。好啦，現在終於出事了。

前些天，貓終於發怒了，於是我想抱起牠來安撫一下，誰知不由分說就舉手抓下來，我已經閃開了，但左眼感到刺痛，即時用手接住傷口，再慢慢打開眼，心裡還慶幸看得見東西，但移開手，看到手心的紅，我再撫撫臉頰，手指沾滿粘粘的鮮血。當時還不太害怕，只以為是弄破了皮，後來照照鏡子，看到兩道血痕，便氣得渾身發抖，立即向爸破口大罵，著他以後也不要再作弄牠們，現在黑狗偷食、白狗當災了。罵得爸羞愧難當，就是要他銘記在心，才不會有下次。

這幾天，洗面卸妝都痛死了。（對，我還化妝，用了大量遮瑕膏。）但沒看到血，感覺便好很多。昨天終於見到他大哥，我沒主動告訴他，看他能不能發現。後來他當然沒發現啦，便想整蠱他一下，誰知整蠱返自己。

我：「睇吓我有咩唔同？」
他：「冇吖，有咩唔同？」
我：「睇真啲我塊面？」
他：「哦，面色紅潤咗喎！」
我：「唔係呀！我整咗容嚟呀！（！）」
他：「整咗邊度呀？」
我：「望下我對眼？」
他看了良久，還茫無頭緒。
我：「攪錯呀！我割咗雙眼皮喎！咁都睇唔出？」
他：「吓？真架？」
我：「梗係啦！你見唔到我眼皮個傷口咩？」
他：「係喎！又真係大咗喎！」
我：「（！！！）人講你又信，我其實去咗抽眼袋呀！」
他：「吓？真架？」
我：「梗係啦！你見唔到我眼肚個傷口咩？」
他：「係喎！又真係細咗喎！」
我：「（！！！）（妖，夠喇！）......」
那一刻，我的右眼出現三間，頭上有隻尖咀小鳥飛過。

後來我沒好氣地跟他說明，他大哥還死雞撐硬腳：「唔怪得啦！我就話整容邊有咁快好呀！」
右眼的三間又再出現，頭上又有隻尖咀小鳥飛過。