2011年2月19日星期六

豪言 二

「你三十幾歲人仲係做個M,你醜唔醜呀?」

「阿邊個,好心你就減吓肥啦,你咁嘅樣我點放心交啲客俾你跟?」

「搵多啲?我唔滿意你哩個答案!我可以俾多啲你架,but why? Tell me why! 你應該說服我點解要俾你搵多啲!你依家出去好好反醒吓!」

「我喺哩度權力好大架,要你哋留就留,要你哋走就走!」

「要冧客好容易,尤其是係啲男人。我唔係講上床呀吓!」

「傾生意係摸住酒杯底傾返嚟嘅。嗱,我又塞錢入你袋喇!」

「你哋一個二個好彩唔係我請,唔係喺我手上全部out 得。」

「你以前嗰間咩公司嚟架?聽都未聽過。」

「嗰啲咁廢嘅公司你都做,真係廢人先會入去。」

「我成日覺得哩度發展潛力好大,可以攪到IPO 都仲得呀!到時你哋出面撼彭爛都係人哋啲阿哥阿姐。」

「我十八歲就出嚟做嘢,好似你咁大已經喺廠管緊六百人!知唔知點解你到依家都咁失敗?就係因為你乜都做,乜都做即係乜都唔識!」

「我讀過design,你知唔知市面有本書係講design?你知唔知有啲網頁係講design?」

「我喺哩度嘅任務係教好你哋,將我啲功夫傳晒俾你哋,所以我喺度好重要。」

「我都識啲電腦,等我開個training 教大家開AI。」

「你唔做佢唔做即係我做,我做就不如我做晒!」

「雖然你哋乜都唔識,不過唔駛驚,因為有我喺度。有我喺度喎,駛乜驚呀!」

「老闆set 俾我嘅mission 即係set 俾你哋嘅mission,我唔達標係因為你哋唔達標。」

「哩個assistance 唔可以再做啲assistance 嘅嘢,因為我要教佢做management 嘅工作。」

「我可以炒晒你哋換晒我啲fit 馬入嚟,不過我唔會,因為我教你哋唔識教到識,哩啲先係挑戰!」

「你哋知唔知公司真係對你哋好好,你哋乜都唔識,請我返來教你哋。喂,每個月俾埋錢你哋返嚟學嘢喎,執倒啦你哋!」

4 則留言:

小星 說...

辛苦哂...
加油!!!

揚眉女子 說...

真係好辛苦... 忍笑忍得好辛苦!

匿名 說...

都是你對下屬說的話嗎?

Kitty

揚眉女子 說...

我邊夠班! 係我新上司對我地既訓話.