2010年10月13日星期三

上百萬

粗略一算,首期雜費裝修傢俬,花了上百萬。

當然一百幾十萬,其實並不多,香港地,在街上串門子的老婆婆,戶口存款七個位的大有人在。只是換轉是一般紅褲子出身的年青人,這筆便是天文數字。對於我也不例外,一百萬仿佛是個離我很遠的數字,尤其是到月尾,有時候我戶口只餘數十元,連提款的最低金額都不夠。

這筆巨資當中的六成,是賣樓賺來的,在簿仔裡閃一閃,就左樓來右樓去了。然而剩下的四成,都是我的現金。對於自己的身家資產有多少,我並不太計較,反正還那麼年輕,所以一直也沒仔細認真徹查。如果不是這次要用到錢,我也不知道原來我東藏西躲了那麼多資金。人壽儲蓄、基金、月供計劃,等等,各式各樣零零碎碎的投資儲蓄,每個月要付的金錢並不算太多,但槓桿原理下,錢搵錢是最無痛生財的方法。

我說過,我跟平民百姓一樣,沒父蔭沒祖澤,甚麼都是我一手一腳掙回來的。我跳過了很多Y 世代應有的瘋狂豪氣,數千元的手袋,我捨不得買;數百元的鞋子,也捨不得。因為受過苦吃過虧,便知道錢的好處。試問天下間又有多少人,敢狂言錢不是萬能?

14 則留言:

SKII 說...

老生常談,錢不是萬能,但沒錢...萬萬不能!

揚眉女子 說...

對!

Shumc 說...

我幾乎每個月戶口都只剩下數元。小時候以為自己長大後會變得好有錢...唉。樓,對我黎講好遠。

揚眉女子 說...

只要踏出第一步, 就好近.

Shumc 說...

我仲係三餐同交通上爭扎緊。我岩岩好廿歲,邊有你果時咁本事。

揚眉女子 說...

其實都要講膽色同運氣. 我好大膽未畢業未搵工就買樓, 同時層樓又咁好彩算係好平個時買, 咁岩得咁橋.

Shumc 說...

無工就買我覺得直頭係癲左tim...抵你26歲有兩層樓!

揚眉女子 說...

純粹係自信, 諗住自己讀過書又後生, 無理由搵唔到工, 就算人工唔高, 衰極都有一萬幾千掛!

另外我又諗, 供樓同租樓其實都係o個條數, 無理由幫人供都唔幫自己. 就算租, 都係要每個月咁比架啦!

Shumc 說...

我都覺得買樓抵,但首期何來...

揚眉女子 說...

唔一定要做三成呀, 其實第一次買樓, 首置最低只需要半成首期, 不過就會係貸款額度加多半成.

我唔介意做首置, 一來拉長年期, 其實唔多覺; 二來我個時買樓平, 個市一升都唔只半成啦!

結果當年我比多半成, 今日我收多五成. 都係個句, 講膽色同運氣.

篤篤篤撐 說...

數千元的手袋,我捨不得買;數百元的鞋子,也捨不得。
>>>我識得幾個投資有道既朋友 (即係至少過千萬), 不約而同, 都係冇消費慾, 平日爛身爛勢, 儲下第一個 1 million。

揚眉女子 說...

錢係得咁多, 睇你點洗點用囉.

kimaliew 說...

數千元的手袋,我捨不得買;數百元的鞋子,也捨不得。
--買了我也不捨得用..可能個性如此掛

佩服你啊,一畢業就買到樓,我連畢業有冇淡食都未知XD

揚眉女子 說...

我o個時都未知有冇啖食架, 不過膽粗粗咋!